Errepresio politikoa

Normalean botere-egituretatik gauzatzen den ekintza edo ekintza multzoa, jardun politikoei edo sozialei eusteko, haiek geldiarazteko edo zehatzeko indarkeriaz. Gizarte-kontroleko mekanismo bat da, eliteen edo gaitasun hertsagarria dutenen interesak zalantzan jartzen edo kaltetzen dituen ekintza kolektiboaren kostuak areagotzea helburu duena. Orokorrean, Estatuko legezko segurtasun-indarrek (Poliza eta Armada) eta legez kanpokoek (paramilitarismoa) gauzatzen dute. Nolanahi ere, botere hertsagarria duten beste sektore batzuek ere gauzatzen dute eta biztanleria zibila tartean sartzen duten estrategien bitartez. Ereduzko zehapen gisa erabiltzen den errepresio politikoarekin batera, sariak ematen zaizkie errepresio-agenteari laguntzen dieten pertsonei edo taldeei, eta horrela gizarte-sarearen haustura handiagoa sustatzen da.

Intentsitate handiena duten errepresio-ekintzak genozidioa eta muturreko beste indarkeria modu batzuk dira, zenbait gizarte-talde eta talde politiko deuseztatzea (osorik edo zati bat) bilatzen dutenak.