Kanpo Zaintzako Sistema Integratua

Kanpo Zaintzako Sistema Integratua Guardia Zibilaren erantzukizuna da eta honako honetan datza: “Espainiako kanpo-mugetako hainbat puntutan sentsoreak, radarrak eta optronikoak, aginte- eta kontrol-zentroak eta komunikazio-ekipoak ezartzea, arian-arian eta elkarren jarraian, baita intertzeptazio-unitateak indartzea ere”, “kanpo-muga eta kostaldeetan estaldura izateko, betiere immigrazio irregularra saihestu eta kontrolatzearren eta krimen antolatuaren eta nazioz haraindiko delinkuentziaren aurka borrokatzearren”. Estatuko segurtasun-indar horren arabera, sistema horrek honako eginkizun hauek betetzen ditu: a) gure kostaldera hurbiltzen diren itsasontziak urrundik detektatzea; b) itsasontzi mota eta eskifaia-kideak identifikatzea, legez kanpo egin dezaketen jarduna egiaztatzearren; c) hala badagokio, itsasontziaren jarraipena koordinatzea eta, horretarako, Guardia Zibilak dituen itsasoko, aireko eta lurreko baliabideak erabiliko dira; eta d) ustezko delitugileak bidean atzemateko edo etorkin irregularrei laguntzeko.

2001. urtean hasi zen martxan eta honako leku hauetan ezarri da: Algeciras (2002); Málaga eta Fuerteventura (2003); Cádiz, Granada eta Ceuta (2004); Almería eta Lanzarote (2006); Huelva eta Kanaria Handia (2007), Tenerife, Gomera eta Hierro (2008); Murtzia, Alacant, Valentzia, Castelló eta Balearrak (2009). Pontevedran eta Tarragonan ezartzea ere aurreikusita dago.