Ingurumen-zuzenbidea

Eragin dugun ingurumenaren krisi-egoeraren adibideak dira honako guzti hauek: desertifikazioa, uren, airearen eta lurzoruaren kutsadura, istripu industrialak eta nuklearrak, gehiegizko arrantza, nekazaritza eta abeltzaintza estentsiboak, baliabide berriztagarrien eta berriztaezinen (petrolioa) neurrigabeko erauzketa eta kontsumoa, azpiegitura handiak eraikitzea, deforestazioa, eskala handiko meatzaritza, transgenikoak, ‘frackinga’ (apurketa hidraulikoa), espezieen iraungipena, biodibertsitatea galtzea, ozeanoen azidifikazioa, hondakinak masiboki sortzea eta abar. Munduko leku askotan ingurumen-krisiak eraginda (zuzenean nahiz zeharka) pertsonak desplazatzera behartuta daude, hain zuzen ere baliabide mugatuen kontsumo mugagabean oinarritutako sistema kapitalista suntsitzailearen ondorioz.